Home Business အတိုးနှုန်းများကို ၁ ဒသမ ၅ ရာခိုင်နှုန်းအထိ ဗဟိုဘဏ်လျှော့ချ

အတိုးနှုန်းများကို ၁ ဒသမ ၅ ရာခိုင်နှုန်းအထိ ဗဟိုဘဏ်လျှော့ချ

မြန်မာနိုင်ငံ၏ စီးပွားရေးဖွံ့ဖြိုးတိုးတက်မှုကို အထောက်အကူဖြစ်စေရန် အပ်ငွေအပေါ်ပေးသည့်အတိုးနှုန်းနှင့် ချေးငွေအပေါ်ပေးသည့်အတိုးနှုန်းများကို ယခင်ပေးနေသည့်အတိုးနှုန်းမှ ၁ ဒသမ ၅ ရာခိုင်နှုန်းလျှော့လိုက်ကြောင်း မြန်မာနိုင်ငံတော်ဗဟိုဘဏ်က ထုတ်ပြန်လိုက်သည်။

အဆိုပါ အတိုးနှုန်းများသည် ၂၀၂၀ ခုနှစ် မေ ၁ ရက်မှစတင် အကျိုးသက်ရောက်မည်ဖြစ်ကြောင်း မြန်မာနိုင်ငံတော်ဗဟိုဘဏ်၏ ထုတ်ပြန်ချက်တွင် ဖော်ပြထားသည်။

ယင်းသို့ စီးပွားရေးလုပ်ငန်းများ လျင်မြန်စွာတိုးတက်စေရန်အတွက် မြန်မာနိုင်ငံတော်ဗဟိုဘဏ် အတိုးနှုန်းကို တစ်နှစ်လျှင် ၈ ဒသမ ၅ ရာခိုင်နှုန်းမှ ၇ ရာခိုင်နှုန်းသို့ ပြောင်းလဲသတ်မှတ်လိုက်ခြင်းကြောင့် ၁ ဒသမ ၅ ရာခိုင်နှုန်း လျှော့ချလိုက်ခြင်းဖြစ်သည်။

ဘဏ်များ အပ်ငွေအပေါ်ပေးသည့်အတိုးနှုန်းနှင့် ချေးငွေအပေါ်ပေးသည့်အတိုးနှုန်းကို လျှော့ချလိုက်ခြင်းဖြစ်ပြီး ငွေစုစာရင်းအပ်ငွေ၊ ငွေစုလက်မှတ်နှင့် အချိန်စေ့မှပေးရသည့်အပ်ငွေတို့အပေါ်တွင် ပေးသည့်အနည်းဆုံးအတိုးနှုန်းများကို မြန်မာနိုင်ငံတော်ဗဟိုဘဏ်၏ သတ်မှတ်ထားသည့်အတိုးနှုန်း၏ ၂ ရာခိုင်နှုန်းထက် မပေးရန် ထုတ်ပြန်လိုက်သည်။

ထိုပြင် အာမခံပစ္စည်းများရယူပြီး ထုတ်ချေးသည့် ချေးငွေများအတွက် ကောက်ခံသည့်အတိုးနှုန်းများကို မြန်မာနိုင်ငံတော်ဗဟိုဘဏ်၏ အတိုးနှုန်းသတ်မှတ်ချက် ၃ ရာခိုင်နှုန်းထက် ကျော်လွန်၍ မကောက်ခံရန် ပြင်ဆင်သတ်မှတ်လိုက်သည်။

ယင်းပြင် အာမခံပစ္စည်းများမဟုတ်ဘဲ အခြားပစ္စည်းများရယူ၍ဖြစ်စေ အာမခံပစ္စည်းမပါဘဲဖြစ်စေ ထုတ်ချေးထားသည့် ချေးငွေများအပေါ်တွင် တောင်းခံသည့်အတိုးနှုန်းများကို ၁၄ ဒသမ ၅ ရာခိုင်နှုန်းအဖြစ် ပြောင်းလဲသတ်မှတ်လိုက်သည်။
မြန်မာနိုင်ငံတော်ဗဟိုဘဏ်မှ သတ်မှတ်ထားသည့် အာမခံပစ္စည်းများမှာ မြေနှင့်အဆောက်အဦး၊စိန်နှင့်အဖိုး တန်ကျောက်မျက်၊ငွေစုလက်မှတ်၊ အစိုးရငွေတိုက်လက်မှတ်၊စာရင်းသေအပ်ငွေ၊ငွေချေးသက်သေခံလက်မှတ်များ၊ပြောင်းလဲနိုင်သည့် စာချုပ်စာတမ်းများနှင့် ချေးငွေအာမခံဖြင့် ထုတ်ချေးသည့် ချေးငွေများဖြစ်သည်။

 

- Advertisment -

Must Read

Govt to Provide Over K21 Billion Loan to 1,200 Businesses

The government will provide a K21.122 billion loan to 1,200 businesses that suffered from the impact of the COVID-19 pandemic, according to U Thaung...