Home Business စိုက်ပျိုးစရိတ်ချေးငွေ အတိုးနှုန်းများကို မြန်မာ့လယ်ယာဖွံ့ဖြို့ရေးဘဏ် လျှော့ချကောက်ခံမည်

စိုက်ပျိုးစရိတ်ချေးငွေ အတိုးနှုန်းများကို မြန်မာ့လယ်ယာဖွံ့ဖြို့ရေးဘဏ် လျှော့ချကောက်ခံမည်

မြန်မာ့လယ်ယာဖွံ့ဖြိုးရေးဘဏ်မှ တောင်သူများ စိုက်ပျိုးရေးဆိုင်ရာ ချေးငွေများကို အတိုးနှုန်းသက်သာစွာဖြင့် ရရှိစေရန်အတွက် စိုက်ပျိုးစရိတ်ချေးငွေ အတိုးနှုန်းကို မေလ ၁ရက်နေ့မှစတင်၍ လျှော့ချ ပြင်ဆင်ကောက်ခံသွားမည်ဖြစ်ကြောင်း ထုတ်ပြန်ထားသည်။

လက်ရှိ ထုတ်ချေးပေးလျက်ရှိသည့် စိုက်ပျိုးရေးချေးငွေ၊ JICA, Two Step Loan ချေးငွေ ၊ MEB, Two Step Loan ချေးငွေများအပေါ် ကောက်ခံသည့် အတိုးနှုန်းများကို လျှော့ချ ကောက်ခံသွားမည်ဖြစ်သည်။

စိုက်ပျိုးရေးစရိတ်ချေးငွေကို လက်ရှိတွင် တစ်နှစ်လျှင် ၇ ရာခိုင်နှုန်းဖြင့်ကောက်ခံနေရာမှ ၅ရာခိုင်နှုန်းသို့ ပြောင်းလဲကောက်ခံမည်ဖြစ်ပြီး JICA, Two Step Loan ချေးငွေ ကို တစ်နှစ်လျှင် ၆.၅ ရာခိုင်နှုန်းမှ ၅ရာခိုင်နှုန်းသို့ ပြောင်းလဲကောက်ခံမည့်အပြင် MEB, Two Step Loan ကို ၈ ရာခိုင်နှုန်းမှ ၆.၅ ရာခိုင်နှုန်းသို့ ပြောင်းလဲကောက်ခံမည်ဖြစ်ကြောင်း သိရသည်။

ထို့ပြင် တောင်သူများ၏ စုဆောင်းအပ်နှံငွေအပေါ် ပေးမည့်အတိုးနှုန်းကိုလည်း ထုတ်ချေးငွေ အတိုးနှုန်းနှင့် လိုက်လျောညီထွေဖြစ်စေရန် လက်ရှိ တစ်နှစ်လျှင် ၆.၅ရာခိုင်နှုန်းမှ ၅ ရာခိုင်နှုန်းသို့ ပြင်ဆင်သတ်မှတ်မည်ဖြစ်ကြောင်း ထုတ်ပြန်ချက်တွေ ဖော်ပြပါရှိသည်။

စိုက်ပျိုးရေးနှင့် မွေးမြူရေးလုပ်ငန်း လုပ်ကိုင်သူများ ချေးငွေကို အတိုးနှုန်းသက်သာစွာဖြင့် ရရှိစေရန်အတွက် ဧပြီလ ၁ ရက်နေ့တွင် ပထမအကြိမ် အတိုးနှုန်းကို လျှော့ချပေးခဲ့ပြီး ယခုလျှော့ချပေးခြင်းသည် ဒုတိယအကြိမ်မြောက်ဖြစ်ကြောင်း သိရသည်။

စိုက်ပျိုးရေးနှင့် ကျေးလက်ဖွံ့ဖြိုးရေးချေးငွေအတွက် ၂၀၁၇ခုနှစ်တွင် JICA နှင့် မြန်မာ့လယ်ယာဖွံ့ဖြိုးရေးဘဏ်တို့ ပူးပေါင်းကာ လုပ်ငန်းဆောင်ရွက်ခဲ့ခြင်းဖြစ်ပြီး ၂၀၁၉ခုနှစ် မတ်လအထိ မြို့နယ်ပေါင်း ၁၅၅မြို့နယ်မှ တောင်သူ ၂၀၀၀ကျော်ကို ကျပ်ဘီလီယံ ရှစ်ဆယ် ထုတ်ချေးပေးထားကြောင်း သိရသည်။

- Advertisment -

Must Read

Dai-ichi Ready to Deliver its “Peace of Mind” Propositions to Myanmar

အောက်တွင် မြန်မာလို ဖတ်ရှုနိုင်ပါသည် Dai-ichi Life Insurance Myanmar announced that it is ready to deliver its “Peace of Mind” propositions to the Myanmar community as it...