ပြည်တွင်း၊ ပြည်ပ ငါးရိက္ခာပြတ်လတ်မူမှရိစေရေး ငါးပုစွန်မွေးမြူရေးနှင့် ဖမ်းဆီး၊ ထုတ်လုပ်ရေးများ ဆက်လက်ဆောင်ရွက်နေ
မြန်မာနိုင်ငံအတွင်း COVID-19 ရောဂါ ကူးစက်ပြန့်ပွားမူ ထိန်းချုပ်နေသည့် ကာလအတွင်း ပြည်တွင်း နှင့် ပြည်ပ ငါးရိက္ခာပြတ်လတ်မူမရှိစေရေးအတွက် ငါးပုစွန်မွေးမြူရေးနှင့် ဖမ်းဆီးရေး လုပ်ငန်းများ၊ အအေးခန်းစက်ရုံများ၊ ဆိပ်ကမ်းများ လုပ်ငန်းများကို ဆောင်ရွက်လျက်ရှိနေကြောင်း မြန်မာနိုင်ငံငါးလုပ်ငန်းအဖွဲ့ချုပ်မှ သိရသည်။
မြန်မာနိုင်ငံ၏ ပင်လယ် ကမ်းရိုးတန်းဒေသများတွင် တည်ရှိသော တိုင်းဒေသကြီးနှင့် ပြည်နယ်များတွင် ကမ်းနီးကမ်းဝေး ငါးဖမ်းစက်လှေများ ဆိုက်ကပ်၍ ငါးတင် ၊ ငါးချသည့် လုပ်ငန်းများဆောင်ရွက်သည့် ဆိပ်ကမ်းများရှိသည်။ အဆိုပါ ဆိပ်ကမ်းများမှ ဖမ်းဆီးရမိသော ငါး ၊ ပုစွန်များကို ပြည်တွင်းစားသုံးရန်နှင့် ပြည်ပ တင်ပို့ရောင်းချရန် လက်ကားစနစ်ဖြင့် ဖြန့်ဖြူးလျက်ရှိသည်။
ငါးပုစွန်များကို အေးခဲထိန်းသိမ်းရန်နှင့် ပြုပြင်ထိန်းသိမ်းရေးလုပ်ငန်းများ ဆောင်ရွက်ရန် ရန်ကုန်တိုင်းဒေသကြီး အတွင်းရှိ အအေးခန်း စက်ရုံ (၇၃) ရုံ ၊ တနင်္သာရီတိုင်းအတွင်း စက်ရုံ (၂၀) ရုံ ၊ ဧရာဝတီတိုင်းတွင်း (၈) ရုံ ၊ မွန်ပြည်နယ်အတွင်း (၆) ရုံ ၊ ရခိုင်ပြည်နယ်တွင် (၁၃) ရုံနှင့် ရှမ်းပြည်နယ်တွင် (၁) ရုံ စုစုပေါင်း အအေးခန်းစက်ရုံ (၁၂၃) ဖွင့်လှစ်ထားရှိပြီး ဖမ်းဆီးရမိသည့် ငါး၊ ပုစွန်များနှင့် မွေးမြူထုတ်လုပ်သည့် ငါးပုဇွန်မျာ်ကို ပြုပြင်ထုတ်လုပ်အေးခဲသိုလှောင်ကာ ပြည်တွင်းစားသုံးရန်နှင့် ပြည်ပ တင်ပို့နိုင်ရေးအတွက် လုပ်ကိုင်ဆောင်ရွက်လျက်ရှိနေကြောင်း မြန်မာနိုင်ငံ ငါးလုပ်ငန်းအဖွဲ့ချုပ်မှ သိရသည်။
ထို့ပြင် COVID-19 ရောဂါ ထိန်းချုပ်ရေးကာလအတွင်း သက်ဆိုင်ရာကော်မတီများ ၊ ပြည်ထောင်စု ဝန်ကြီးဌာနများ ၊ ဒေသဆိုင်ရာ အစိုးရအဖွဲ့များမှ လက်တလော ချမှတ်ထားသည့် စည်းကမ်းချက်များကို ငါးပုဇွန်မွေးမြူရေးနှင့် ဖမ်းဆီးရေး လုပ်ငန်းများ လက်ကားငါးစျေးကြီးများ ၊ ငါးဖမ်းစက်လှေ ဆိပ်ကမ်းများ ၊ ပြုပြင်ထုတ်လုပ်ရေးနှင့် အအေးခန်းစက်ရုံများ ငါးပိ ၊ ငါးခြောက်ထုတ်လုပ်သည့် လုပ်ငန်းများအနေဖြင့် အတိအကျ လိုက်နာဆောင်ရွက်သွားမည်ဖြစ်ပြီး သက်ဆိုင်ရာဌာနများ၏ စစ်ဆေးခြင်း ခွင့်ပြုချက်ရယူခြင်း စသည့် လုပ်ငန်းများကိုလည်း လုပ်ငန်းခွင်လုပ်ကိုင်ဆောင်ရွက်မူ အမြဲမပြတ် ဦးစားပေး အစီစဥ်ဖြင့် စစ်ဆေးမူများကို ခံယူသွားမည်ဖြစ်ကြောင်း မြန်မာနိုင်ငံငါးလုပ်ငန်း အဖွဲ့ချုပ်မှ သိရသည်။
